Гранттар не үшін беріледі?

Жаңа бизнес-идеяларды іске асыруға гранттар беру азаматтардың бекітілген санаттары үшін жүзеге асырылады.

Грантқа үміткер болу үшін Сізге пайдаланушының жеке кабинетіндегі «Мәртебені тексеру» бөлімінде шара көрсету шарттарына сәйкестігіне тексеруден сәтті өту қажет.

Тексеруден сәтті өткен жағдайда, Сізге бизнес-жоспар құруға және грант алуға өтініш беруге рұқсат ашылады.

Бизнес-жоспар - бұл бизнесті құрудан бастап нақты мақсаттарға жетуге дейінгі нұсқаулық. Ол неғұрлым жақсы пысықталған және ағымдағы жағдайларға бейімделген болса, оны іске асыру және грант түрінде қаржылық қолдау алу мүмкіндігі соғұрлым жоғары болады.

Грант алуға өтініш бергенге дейін жеке кабинеттің тиісті бөлімінде сіздің бизнес идеяңызды сипаттау үшін егжей-тегжейлі бизнес-жоспар жасаңыз.

Ол үшін Сізге бизнес-жоспар үлгісін жүктеу, оны Сіздің бизнес-жобаңыз бойынша деректермен толтыру және одан әрі грантқа онлайн-өтініш берген кезде пайдалану қажет.

Сіз мемлекеттік грантты алуға жолданған онлайн-өтініш негізінде ғана үміткер бола аласыз.

Грантқа өтініш беру мүмкіндігі грант беру шарттарына сәйкестіктен сәтті өткеннен кейін және бизнес-жоспар үлгісін толтырғаннан кейін ашылады. Өтініште Сіздің бизнес-жоспарыңыздағы жобаның сипаттамасына сәйкес келетін ақпаратты көрсету қажет.

Өтініш сәтті берілгеннен кейін Сіздің жеке кабинетіңізге , сондай-ақ тіркеу кезінде көрсетілген ұялы нөміріңізге SMS-хабарлама келеді, онда комиссия отырысының өту күні, уақыты мен орны көрсетіледі.

Өз бизнес-жобаңызды таныстыру үшін Сізге көрсетілген күні азаматтардың мемлекеттік грант беру туралы өтініштерін қарау жөніндегі комиссияның отырысына келу қажет.

Грантты тағайындау үдерісіндегі алдағы маңызды кезеңдер туралы хабарламалар жеке кабинетке SMS-хабарламалар түрінде де келетін болады.

Мемлекеттік грант беру немесе беруден бас тарту туралы шешімді азаматтың өтініші және оның өтінішке қоса берілген бизнес-жоспары негізінде комиссия ғана қабылдайды.

Сіз өзіңіздің бизнес-идеяңызды комиссия мүшелеріне таныстыруыңыз керек. Сіздің жобаңыздың негізгі тезистері, оның перспективалары, мақсаттары және жоспарланған нәтижелері көрсетілетін өз жобаңызды қорғауға дайындалу және сапалы таныстыру өткізу Сіздің мүддеңізде.

Мемлекеттік грант беру мақұлданған жағдайда, Сіз 5 жұмыс күні ішінде Қазақстан Республикасының салық заңнамасына сәйкес салық органдарында және пайдаланушының жеке кабинетінің тиісті бөлімінде өз қызметіңізді тіркеуіңіз, төлем құжаттарының міндетті деректемесі болып табылатын жиырма таңбалы жеке сәйкестендіру кодын (IBAN) ұсынуыңыз қажет.

Сіз банктік деректемелерді ұсынғаннан кейін Еңбек мобильділігі орталығы электрондық шартты дайындайды, оған өз тарапынан қол қояды және Cізге қол қоюға жібереді.

Шарт қол қоюға келіп түскеннен кейін, Сізге 5 жұмыс күні ішінде ЭЦҚ көмегімен жеке кабинетте «Грант шарты» бөлімінде мемлекеттік грант беру туралы шартқа қол қою қажет.

Грант беру туралы шартқа қол қойылғаннан кейін грант қаражаты 5 жұмыс күні ішінде Сіз бұрын көрсеткен банктік шотқа 5 жұмыс күні ішінде түседі.

Грант беру туралы шартқа қол қойылған сәттен бастап Сіз және Еңбек мобильділігі орталығы арасында шарттық міндеттемелер басталады, оған сәйкес Сіз 1 күнтізбелік жыл ішінде грант қаражатының мақсатты пайдаланылуы туралы тоқсан сайынғы есептерді ұсынып отыруыңыз тиіс. Барлығы 4 есеп.

Есептерді онлайн форматта, пайдаланушының жеке кабинетінде «Есепті тапсыру» функционалы арқылы тапсыру қажет.

Сіздің кәсіпкерлік қызметіңізді тіркеу туралы есеп үшін ақпарат интеграция арқылы мемлекеттік органдардың ақпараттық жүйелерінен келіп түседі.

Сізге тек Cіз жүзеге асыратын бизнестің кейбір көрсеткіштерін көрсету, растайтын құжаттарды тіркеу және 3 сауалнамалық сұраққа жауап беру қажет.