Enbek
Жұмыспен қамту саласындағы өзекті түйіндеме, бос орындар және онлайн қызметтер
«Бастау Бизнес» жобасы бойынша оқыту не береді?
«Бастау Бизнес» жобасы бойынша кәсіпкерлік негіздеріне оқыту жеке әлеуметтік санаттарға жататын жас кәсіпкерлерге өз бизнесін жүргізу үшін бастапқы білім мен дағдыларды алуға мүмкіндік береді.
Оқуды сәтті аяқтағаннан кейін жобаға қатысушы аяқталғаны туралы сертификат алады және өзінің бизнес-жобасын іске асыру үшін 400 АЕК-ке дейінгі мөлшерде грант алуға үміткер бола алады.
Оқытуға қатысу үшін негізгі шарттар
Оқуға қатысушы міндетті:
Жұмыспен қамтудың мынадай санаттарының біріне жату:
Тіркелген жұмыссыздар
Ісін жаңадан бастаған және жұмыс істеп жүрген кәсіпкерлер
Табысы ең төменгі күнкөріс деңгейінен төмен жеке қосалқы шаруашылықта жұмыс істейтін адамдар
Қысқартылатын қызметкерлер
Отбасылық кәсіпорындағы ақы төленбейтін қызметкерлер
Табыстары ең төменгі күнкөріс деңгейінен төмен өндірістік кооператив мүшелері
Бірыңғай жиынтық төлемді төлеушілер
«Бастау Бизнес» жобасы бойынша кәсіпкерлік негіздеріне оқыту туралы қолданыстағы сертификаттың болмауы
Мәртебесін тексеру сәтінде ерікті түрде қоныс аударуға қатысушылардан басқа (оңтүстіктен солтүстікке қарай)жұмыспен қамтуға жәрдемдесудің белсенді шараларына қатысушы болып табылмау
Соңғы 12 ай ішінде жұмыспен қамтуға жәрдемдесу шараларын өз бетінше тоқтату фактілерінің болмауы тиіс
«Бастау Бизнес» жобасы бойынша оқыту қағидаларымен танысыңыз
Көшу
«Бастау Бизнес» жобасы бойынша оқыту кезеңдері
Міндетті түрде ЭЦҚ болуы қажет*
Тіркеу
Порталда тіркеуден өтіп, есептік жазба жасаңыз business.enbek.kz
«Бастау Бизнес» жобасы бойынша оқуға қатысу үшін Сізге порталда тіркелу қажет business.enbek.kz
Электрондық мекенжайды немесе ұялы телефон нөмірін пайдаланып тіркелу мүмкіндігі бар.
Егер сізде порталда бұрын жасалған есептік жазба болса Enbek.kz, онда қайта тіркеудің қажеті жоқ.
Пайдаланушыны тіркеу және сәйкестендіру рәсімін аяқтау үшін өзіңіздің ЖСН көрсетуіңіз қажет.
Шараны алудың келесі кезеңдері электрондық цифрлық қолтаңбаны пайдалана отырып жүзеге асырылады.
Егер сізде ЭЦҚ болмаған жағдайда, сіз оны https://egov.kz келесі сілтеме бойынша қашықтықтан өте аласыз
Мәртебені тексеру
Өзіңізді мемлекеттік гранттар беру шарттарына сәйкестігін тексеріңіз
«Бастау Бизнес» жобасы бойынша кәсіпкерлік негіздеріне оқыту азаматтардың нормативтік құқықтық құжаттарында айқындалған санаттар үшін жүзеге асырылады.
Оқуға қатысушы болу үшін Сізге пайдаланушының жеке кабинетіндегі "Мәртебені тексеру" бөлімінде шара көрсету шарттарына сәйкестігіне тексеруден сәтті өту қажет, оның барысында ұсынылған тізімнен жұмыспен қамту санатыңызды таңдайсыз. Тексеру процесі 2 жұмыс күніне дейін созылуы мүмкін. Тексеру аяқталғаннан кейін сізге жеке кабинетке тиісті хабарлама, сондай-ақ тіркеу кезінде көрсетілген ұялы нөмірге SMS-хабарлама келеді.
Тексеруден өту нәтижелері нәтижелерді алған күнді есептемегенде 2 жұмыскүні ішінде жарамды. Егер осы мерзім өткеннен кейін Сіз курсқа жазылуға үлгермеген болсаңыз, онда Сізге қайта тексеруден өту қажет.
Тексеруден сәтті өткен жағдайда, оқу тілін алдын-ала таңдап, білім деңгейіңізді көрсеткеннен кейін Сіз «Бастау Бизнес» жобасы бойынша оқу курсына skills.enbek.kz оқу платформасында жазыла аласыз.
Оқыту платформасы
skills.enbek.kz платформасында оқу курсына жазылыңыз
Оқыту шарттарына сәйкестігін тексеруден сәтті өткеннен кейін сізге «Бастау Бизнес» жобасы бойынша оқу курсына жазылу мүмкіндігі ашылады.
Кәсіпкерлік негіздеріне оқытудың барлық процесі skills.enbek.kz платформада өтеді, ол «Электрондық еңбек биржасы» мемлекеттік ақпараттық порталының кіші жүйесі болып табылады.
Оқыту қатысушылар үшінөтеусіз болып табылады.
Модульдерден өту
Бизнесті жүргізудің негізгі дағдыларын алу үшін оқу модульдерінен өтіңіз
Оқыту 12 модульден тұрады, олардың әрқайсысы бірнеше сабақтан тұрады.
Оқуға қатысушы күнтізбелік 14 күн ішінде бүкіл оқу курсын өз бетінше меңгеруі қажет.
Әрбір модуль аяқталғаннан кейін алынған білім мен дағдыларды игеруді бағалау үшін аралық тестілеу өткізіледі. Келесі модульді үйренуге көшу үшін аралық тестілеудегі сұрақтардың жалпы санынан кем дегенде 70% дұрыс жауап алу керек.
Аралық тестілеуді тапсыру әрекеттерінің саны шектелмеген.
Қорытынды тестілеу
Оқуды аяқтау үшін қорытынды тестілеуден өтіңіз
Оқытудың барлық модульдерін сәтті аяқтағаннан кейін Сізге қорытынды тестілеуді тапсыру қажет.
Сұрақтардың жалпы санынан дұрыс жауаптардың кемінде 70% алған қатысушы қорытынды тестілеуден өткен болып табылады.
70% - дан кем алған жағдайда, Сіз қайта қорытынды тестілеуден өте аласыз, бірақ оқу барысында 2 реттен артық емес.
Егер Сіз, өз қалауыңыз бойынша оқуды тоқтатсаңыз немесе қорытынды тестілеуден өтпесеңіз, сіз оқуға қайта қатыса аласыз, бірақ күнтізбелік жыл ішінде 2 реттен артық емес.
Сертификат алу
«Бастау Бизнес» жобасы бойынша оқуды аяқтау туралы сертификат алыңыз
Қорытынды тестілеуді сәтті тапсырғаннан кейін Сізге бірегей нөмірмен оқуды аяқтағаны туралы сертификаты беріледі. Сертификат болған жағдайда Сіз жеке кабинет арқылы өтініш беру арқылы мемлекеттік грант алуға үміткер бола аласыз.
Сертификаттың қолданылу мерзімі-алынған күннен бастап 3 жыл.
Сертификаттың қолданылу мерзімі аяқталғаннан кейін кәсіпкерлік негіздеріне қайтадан оқи аласыз.
«Бастау Бизнес» жобасы бойынша оқыту шарттарына сәйкестігіне тексеруден өтіңіз
Көшу
«Бастау Бизнес» жобасы бойынша оқудан қалай өтуге болады?
Мансап орталығына хабарласыңыз